لاہور (2 نومبر 2024) مصطفوی سٹوڈنٹس موومنٹ کے مرکزی صدر شیخ فرحان عزیز 02 نومبر سے 05 نومبر تک جنوبی پنجاب کا چار روزہ دورہ کریں گے۔ شیخ فرحان عزیز لودھراں، چشتیاں، روجھان، خانپور، ملتان، خانیوال سمیت جنوبی پنجاب کے دیگر شہروں میں مختلف کالجز اور یونیورسٹیز میں مصطفوی سٹوڈنٹس موومنٹ کے 30ویں یوم تاسیس کے حوالے سے منعقدہ طلبہ کنونشنز سے خطابات کریں گے۔ طلبہ کنونشنز میں جنوبی پنجاب کے تعلیمی اداروں کے طلبہ شرکت کریں گے۔
شیخ فرحان عزیز نے جنوبی پنجاب کے چار روزہ دورے کے حوالے سے گفتگو کرتے ہوئے کہاکہ دنیا میں اسی قوم نے ترقی کی ہے جس نے تعلیم کو ترجیح دی ہے۔ مصطفوی سٹوڈنٹس موومنٹ امن، محبت، طلبہ حقوق اور تعلیم کے فروغ کے لئے جدوجہد کر رہی ہے۔ مصطفوی سٹوڈنٹس موومنٹ کی 30 سالہ جدوجہد امن، محبت اور علم کے لئے ہے۔
تبصرہ