خواتین پر امن عوامی انقلاب کا ہراول دستہ ثابت ہوں گی۔ نصرت امین

تحریک پاکستان کی جدو جہد میںخواتین نے قربانیوں کی لازوال داستان رقم کی تھی

پاکستان عوامی تحریک شعبہ خواتین اسلام آباد کی رہنما نصرت امین نے کہا ہے کہ انشاء اللہ جولائی میں ڈاکٹر طاہر القادری پاکستان آجائیں گے اور پر امن سبز عوامی انقلاب کی تحریک فیصلہ کن مرحلے میں داخل ہو جائے گی عوام کی بھر پور طاقت اور تائید سے فرسودہ کرپٹ اور نام نہاد جمہوری نظام کو جڑ سے اکھاڑ پھینکا جائے گا۔ ان خیالات کااظہار انہوںنے عوامی تحریک شعبہ خواتین اسلام آباد کے ہنگامی اجلاس کے موقع پر کیا۔ اس موقع پر میمونہ شفیق، عظمی مسرت، نبیلہ قادری، سعدیہ شاہد، بیگم فاروق بٹ، بکگم ریاست علی خان اور دیگر بھی موجود تھیں۔ انہوںنے کہا کہ انقلاب کے لئے قربانیاں دینے اور جوانیاں لٹانے کاوقت قریب آگیا ہے۔ انشاللہ فتح عوام کی ہو گی اور ملک عزیز پاکستان میں پر امن انقلاب کا سویرا طلوع ہو گا۔ تاریخ گواہ ہے کہ 66 سال قبل پاکستان بنانے کی تحریک میں خواتین نے بابائے قوم قائد اعظم کی پر عزم اور ولولہ انگیز قیادت میںبھرپور جدو جہد کی تھی اور تحریک پاکستان میں جدو جہد اور قربانیوں کی لازوال داستان رقم کی تھی۔ آج پھر تاریخ اپنے آپ کو دھرا رہی ہے۔ بے انتہا بحرانوں سے گھرے پاکستان کو بچانے کا وقت ہے اور اس کڑے وقت میں بھی ڈاکٹر طاہر القادری کی مدبرانہ قیادت میں خواتین کاروان انقلاب کا ہراول دستہ ثابت ہوں گی۔ یہ بات پاکستان عوامی تحریک خواتین ونگ کی مرکزی رہنما راضیہ نوید نے لاہورکی ورکرز سے خطاب کرتے ہوئے کہی۔