47 فیصد عوام نے اس نظام کو مسترد کر کے ڈاکٹر طاہرالقادری کے موقف
کی تائید کر دی ہے
11 مئی کو ملک میں ہونے والے انتخابات تاریخ کا بدنما داغ ثابت ہوئے
پاکستان
عوامی تحریک اسلام آباد کے جنرل سیکرٹری غضنفر کھوکھر نے کہاہے کہ 11 مئی کو
ملک میں ہونے والے انتخابات تایخ کا بدنما داغ ثابت ہوئے جس میں الیکشن کمیشن نے اپنی
نااہلی کو ثابت کردیا، جس کی مثال کئی ٹی وی چینلز پر دکھائی جانے والی وڈیوز ہیں جس
میں بتایا گیا کہ ایک پولنگ سٹیشن پر اگر ووٹ کی کل تعداد 1000 ہے اور ڈبوں سے 1100
ووٹ نکلے۔ مختلف جموعتیں اور امیدوار الیکشن کمیشن کی نااہلی اور بے اختیاری کا ماتم
کر رہے ہیں۔ انہوں نے کہا کہ پاکستان عوامی تحریک نے اس کرپٹ کلچرمیں فراڈ الیکشن کاحصہ
نہ بن کر ثابت کر دیا ہے کہ ڈاکٹر طاہرالقادری نے جوکہا تھا حق اور سچ ثابت ہو کردنیا
کے سامنے آگیا ہے۔ انہوں نے کہا کہ تبدیلی کا خواب دیکھنے والے نوجوانوں کو مایوسی
ملی ہے کیونکہ تبدیلی کے نام پر نکلنے والے نوجوان آج سڑکوں پر ہیں اور ان کی شنوائی
نہیں ہو رہی کیونکہ یہ نظام تبدیلی کے لئے بناہی نہیں ہے اور تبدیلی کا اصل دشمن یہ
نظام انتخاب ہے۔
ان خیالات کا اظہار انہوں نے گزشتہ روز لاہور سے واپسی پر پاکستان عوامی تحریک کے میڈیاسیل میں میڈیا ٹیم کے ساتھ گفتگو کرتے ہوئے کیا۔ اس موقع پر انچارج میڈیاسیل، ایم ایچ خان، میڈیا کوآرڈینیٹر غلام علی خان، اختر راجہ، قاری منہاس، مبشر رندھاوا موجود تھے۔
انہوں نے کہا کہ نظام کی حقیقی تبدیلی کے لئے نوجوان ڈاکٹر طاہرالقادری کے جھنڈے تلے جمع ہو جائیں، پاکستان عوامی تحریک کومضبوط کریں، ڈاکٹرطاہرالقادری اس ملک میں حقیقی جمہوری، آئینی، قانونی اور منصفانہ نظام کر سکتے ہیں۔ انہوں نے کہا کہ پوری قوم جان چکی ہے کہ 23 دسمبر سے اب تک ڈاکٹر طاہرالقادری کی باتیں سچ ثابت ہوچکی ہیں تو آنے والے وقت میں بھی ڈاکٹر طاہرالقادری قوم کی حقیقی رہنمائی کریں گے۔ انہوں نے کہا کہ الیکشن کمیشن کے مطابق 53 فیصد ووٹ کاسٹ ہوئے ہیں اس سے ظاہر ہوتاہے کہ 47 فیصد عوام نے اس نظام کومسترد کر دیا ہے۔ اس لئے ہماری دعوت ہے کہ پاکستانی قوم اس فرسودہ کلچر اور نام نہاد جمہوری نظام کے چکر سے باہر نکلے اور ملک میں حقیقی تبدیلی کے لئے پاکستان عوامی تحریک کاساتھ دے۔ وقت دور نہیں ہے جب ڈاکٹر طاہرالقادری اس قوم کو حقیقی جمہوریت اور انصاف پر مبنی پاکستان دیں گے۔
تبصرہ