ماہِ ربیع الاول کی آمد اور عید میلاد النبی ﷺ کی خوشی میں منہاج القرآن انٹرنیشنل کے مرکزی سیکرٹریٹ ماڈل ٹاؤن لاہور میں حضور شیخ الاسلام ڈاکٹر محمد طاہر القادری دامت برکاتہم العالیہ کی ہدایت پر یکم سے 11 ربیع الاول تک ضیافتِ میلاد اور محافلِ میلاد مصطفیٰ ﷺ کا سلسلہ جاری ہے۔
تیسرے روز منعقد ہونے والی ضیافت میلاد کی محفل مصطفوی سٹوڈنٹس موومنٹ کے زیرِاہتمام منعقد ہوئی۔ محفل میں مرکزی صدر ایم ایس ایم پاکستان شیخ فرحان عزیز، میاں انصر محمود، علامہ محمد وقاص خالد، ڈاکٹر ایوب بیگ، ملک باسط، رانا تجمل حسین، محمد اقبال مصطفوی، چودھری ضیاء الرحمن، سمیت مصطفوی سٹوڈنٹس موومنٹ مرکزی قائدین و کارکنان اور گوشۂ درود کے گوشہ نشینان نے شرکت کی۔ تقریب کا آغاز تلاوتِ کلامِ پاک سے ہوا، جس کے بعد نعت خوانی کا سلسلہ جاری رہا۔
تقریب کے اختتام پر علامہ وقاص خالد نے خصوصی دعا کروائی۔ بعد ازاں شرکاء کی تواضع ضیافت میلاد سے کی گئی۔
تبصرہ